ଇଡି ସ୍କାନର୍ ରେ ବଲିଉଡ ଅଭିନେତା ଡିନୋ ମୋରିଆ..

ବଲିଉଡ ଅଭିନେତା ଡିନୋ ମୋରିଆଙ୍କ ଘରେ ରେଡ କରିଛି ପୋଲିସ। ୬୫ କୋଟି ଟଙ୍କାର ମିଠି ନଦୀ ପୁନରୁଦ୍ଧାର ସ୍କାମ ମାମଲା ଚଢାଉ କରିଛି ଇଡି । ବଲିଉଡ ଅଭିନେତା ଡିନୋ ମୋରିଆଙ୍କ ସହ ସମ୍ପର୍କିତ ୧୫ଟି ସ୍ଥାନରେ ପ୍ରବର୍ତ୍ତନ ନିର୍ଦ୍ଦେଶାଳୟର ରେଡ । ମୁମ୍ବାଇ ଓ କେରଳର ୧୫ଟି ସ୍ଥାନରେ ହୋଇଛି ରେଡ। ଏହା ସହ ବିଏମସିର ସହକାରୀ ଇଞ୍ଜିନିୟର ପ୍ରଶାନ୍ତ ରାମୁଗାଡେ ଓ କିଛି କଣ୍ଟ୍ରାକ୍ଟରଙ୍କ ଘରେ ବି ହୋଇଛି ରେଡ। ଅଭିନେତା ଡିନୋ ମୋରିଆଙ୍କ ସହ ଶିବସେନା ୟୁବିଟି ନେତା ଆଦିତ୍ୟ ଠାକରେଙ୍କ ଘନିଷ୍ଠତା ରହିଛି। ପୂର୍ବରୁ ଡିନୋଙ୍କୁ ଦୁଇ ଥର ଜେରା କରିଥିଲା ଇଓଡବ୍ଲୁ। ଡିନୋଙ୍କ ବିରୋଧରେ ବେଆଇନ ଅର୍ଥ କାରବାର ମାମଲାରେ ତଦନ୍ତ ଜାରି ରହିଛି। ଏହି ମାମଲାରେ ଇଓଡବ୍ଲୁ ୧୩ ବ୍ୟକ୍ତିବିଶେଷଙ୍କ ବିରୋଧରେ ମାମଲା ରୁଜୁ କରିଥିଲା। ୨୦୦୭ରୁ ୨୦୨୧ ମଧ୍ଯରେ ମିଠି ନଦୀର ପୁନରୁଦ୍ଧାର କାମ ହୋଇଥିଲା। ମୁମ୍ବାଇ ଦେଇ ମିଠି ନଦୀ ଯାଇଥିବାବେଳେ ଏହି ନଦୀ ଆରବ ସାଗରରେ ପଡିଛି।